हातिव गावाच्या वैभवात भर घालणारी हातिव गावची ग्रामदैवता श्री देवी आई जुगाई व काळीश्री असून गावाच्या मध्यभागी गाव मंदिर आहे. मंदिरातील मूर्ती पांडव कालीन असल्याचे माहिती सांगितली जाते. याठिकाणी शिवकालीन पायवाट व शिवकालीन चौकी असून शिवकालीन तळ्याला छत्रपती संभाजीमहाराजांनी भेट दिल्याचे इतिहासामध्ये नोंद आहे. मंदिरा जवळील परिसरात ७.५० हेक्टर मुबलक जागेत १८ प्रकारच्या वेगवेगळ्या जातीच्या आयुर्वेदिक वृक्षांची लागवड करून “ऑक्सिजन प्लांट” ची निर्मिती केलेली आहे. याची माहिती देशासह परदेशात पसरली आहे. यासाठी सलग २ पावसाळयामध्ये अमेरिकन २५ नागरिक भारत भ्रमण ला आले असता त्यांनी हातिव गावाला भेट देऊन नवीन झाडांची स्वत: लागवड केली आहे. अमेरिकन नागरीकांनी आमच्या हातिव गावासह संपूर्ण राज्याच कौतुक केले आहे.